2022 жылғы 28 желтоқсанда "Балалар музыка мектебі" МКҚК базасында жаңа жылдық есептік концерт өтті. Концертке АББ әдістемелік орталығының меңгерушісі Жұмағұлова Загират Асқарқызы және БММ кураторы АББ әдіскері Иманов Аманат Жақсылықұлы қатысты. Музыка мектебінің оқушылары өз шеберліктерін көрсетті, қонақтар мен ата-аналарды музыкалық композициялармен , музыкалық аспаптарда ойнаумен қуантты. БММ директоры Жұрмағанбетов Сат Жақсылықұлы жаңа жылдық концертті құттықтау сөзімен ашып, оқұшыларды құттықтауға келген қонақтармен таныстырды. Загират Асқарқызы барлығын келе жатқан Жаңа жылмен құттықтап , педагогтар мен оқушыларға шығармашылық жетістіктер мен оқуда табыс тіледі, сондай-ақ ата-аналарды құттықтады. Балалар өздерінің дағдылары мен жетістіктерін көрсетті, оқушылар өз марапаттарын алды(БММ директоры мен Аяз ата грамоталар және шағын сыйлықтармен марапаттады). Мерекелік концерт аяқталғаннан кейін қонақтар, оқытушылар мен оқушылар суретке түсті.