Дина Нурпеисованың 160 жылдығына арналған үздік рефират байқауы

Қазақтың дәстүрлі аспапты мәдениеті қайраткерлерінің көрнекті есімдерінің қатарында Ұлы күйші Құрманғазының шәкірті, атақты домбырашы, суырып салма сазгер, күйші Дина Нүрпейісованың 160 жылдығына орай Жарқайың балалар музыка мектебінде " Рухани жаңғыру" бағдарламасы аясында  " Күй анасы Дина" атты қазақ музыка әдебиеті пәнінен мектепішілік үздік реферат байқауы болып өтті. Байқаудың мақсаты: Ұлы домбырашы Дина Нүрпейісованың  өмірімен дүниетанымын оқушыларға ұғындыра отырып, шығармашылығын тереңірек насихаттау. Дәстүрлі түрде өтілетін бұл байқауға оқушылар жоғары деңгейде дайындалып келген. Байқау барысында оқушылар  рефераттарын  күйшінің өмірі мен шығармашылығы жайлы жан- жақты ашып, әсерлі етіп, ерекше қорғады. Оқушылар рефератпен ғана шектелген жоқ, композитор күйлерінен кітапшалар, буклеттер, "Әсем қоңыр", "Бұлбұл", "Қара қасқа ат", "Он алтыншы жыл " атты күйлеріне құрастырмалы пазлы жасап, композитордың суретін салып әкелген. Байқау соңында оқушылар күйші Дина шығармашылығынан күйлер ойнады. Мектеп директоры Жұрмағанбетов С. Ж , домбыра сыныбының оқытушысы Қайдаулов А. З, іс жүргізуші Бокишева Р. С  байқауға қазылық жасады. Байқауды қортындылай келе, кіші топ бойынша домбыра бөлімінен 2сынып оқушысы Әбдісәлім Нұрдаулет 1- орынды, орта топ бойынша домбыра бөлімі 4 сынып оқушысы   Орынбай Жанерке 1-  орынды иеленді,  осы топтан 2- орынды 4 сынып оқушылары Болат Ажар мен Абикенова Саина иеленді. Жоғары топтан үрмелі аспаптар бөлімі бойынша 5 сынып оқушысы Асқарова Алуа 3-  орынды иеленді. Байқау соңында мектебіміздің директоры жүлделі орын алған оқушыларды алғыс хаттармен марапаттады. Байқауды өткізген музыка әдебиеті пәнінің мұғалімдері Молдагулова А. Қ , Савчук В. В.